நித்ய கர்மானுஷ்டானங்கள் - பகுதி - 1

(உனக்கு விதிக்கப்பட்ட கடமையைச் செய்ய மட்டுமே உனக்கு அதிகாரம் உண்டு, ஆனால் செயல்களின் பலன்களில் உனக்கு அதிகாரமில்லை. உனது செயல்களின் விளைவுகளுக்கு உன்னையே காரணமாக ஒருபோதும் எண்ணாதே. கடமையைச் செய்யாமலிருக்க ஒருபோதும் பற்றுதல் கொள்ளாதே.)

1. ஸுர்யனை உதயமாகும் போதும், அஸ்தமிக்கும் போதும் உச்சியிலிருக்கும் போதும் ஜலத்திலும் க்ரஹணத்திலும் பார்க்ககூடாது
   
2. பிராம்மணர், ஸுமங்கலி, தேவாலயம் தேவதை, அச்வத்மரம், பசு இவைகளை அப்ரதிக்ஷிணமாகச் சென்ற திலீப மஹராஜனுக்கு குழந்தை பிறந்தது
   
3. அக்னியை வாயினால் ஊதக்கூடாது. காலினால் தாண்டக்கூடாது. கையினால் தொடக்கூடாது. பூமியில் வைக்ககூடாது. ஜலத்தை கொட்டி அணைக்கக் கூடாது. காலை தீயில் காய்ச்சக் கூடாது. அசுத்தமான பொருளைப் போடக் கூடாது. அக்னியோடு அக்னியைச் சேர்க்கக் கூடாது  
   
4. புண்ய தீர்த்தங்களில் வந்தவுடன் காலை வைக்கலாகாது. முதலில் ஜலத்தை தலையில் ப்ரோக்ஷித்துக் கொண்ட பிறகே கால் அலம்ப வேண்டும்.
   
5. வஸ்த்ரமில்லாமல் குளிக்கக்கூடாது. காரித் துப்பக்கூடாது. ஒரு பாத்திரத்தில் ஜலம் எடுத்தே சுத்தம் செய்து கொள்ளவேண்டும். ஜலத்தில் ஜலமல விஸர்ஜனம் செய்யக் கூடாது. குளத்தில் கல்லைப் போடக்கூடாது. புண்ய தீர்த்தத்தில் காலை வைத்த மஹாபாரத பீமனே துன்புற்றான் என்று புராணம் கூறுகிறது
   
6. தனக்கே என்று சமையல் செய்வதும், பாயஸம் பக்ஷணங்களைச் செய்வதும் பாவமாகும். பகவானுக்கு / விருந்தினருக்கு செய்து அளித்த பிறகே உட்கொள்ள (சாப்பிட) வேண்டும்
   
7. இரவில் காலை அலம்பித் துடைத்துக் கொண்டு பகவானைத் தியானம் செய்துவிட்டுப் பிறகே படுக்க வேண்டும். வடக்கு முகமாய் தலைவைத்தும், முறிந்த கட்டிலிலும் படுக்கக்கூடாது. பாழான வீட்டில் படுக்க கூடாது. தூங்குபவனை எழுப்பலாகாது. பெரியோரை தூக்கத்தில் எழுப்புவது மஹாபாவம். இந்திரியங்கள் எல்லாம் மனதில் ஒடுங்கும். அவஸரமாக அரைகுறை தூக்கத்தில் எழுப்பினால் மனதிலிருந்து கண் காது முதலியவை அந்தந்த இடத்திற்கு போகாமல் கண் காதிலும், காது மூக்கிலும் புகும். இதனால் கண், காது கோளாறுகள் நிறைய ஆக நேரிடலாம்.
   
8. பஹிஷ்டை (பெண்கள் தூரம்) என்பது பிரம்மஹத்தி வ்ரதம். அந்த மூன்று நாட்களிலும் அவர்கள் அருகே நாம் போகக் கூடாது, முடிந்தவரை பேசவும் கூடாது. நாம் உண்ணும்போது  அவர்கள் குரல் கேட்கக் கூடாது. அவள் உண்ட மிகுதி ஜலம், அன்னம் இவைகளை உட்கொள்ளக் கூடாது. நான்காவது நாள் அவள் ஸ்னானம் செய்தாலும் நெருப்பினிடம் சென்று பாகம் செய்தால் அவளுக்கு நோய் உண்டாகும். அதைச் சாப்பிடுபவன் அசுத்தனவான்
   
9. பசுவிடம் சகல தேவர்களும் இருக்கின்றனர். அதை வளம் வருவது, சொரிவது, புல் தவிடு, ஜலம், புண்ணாக்கு அளிப்பது புண்ணியம். ஸந்தானம் உண்டாகும். பசுவை காலால் உதைப்பது, தடியால் அடிப்பது, உணவு அளிக்காமல் நாம் உண்பது, பிறர் நிலத்தில் மேயும் பொது சொந்தக்காரரிடம் சொல்வது பாபமாகும். கோ பூஜையினால் தீலிப மஹராஜனுக்கு ரகு என்ற சத்புத்ரன் ஜனித்தான். முடிந்தவரை கோரகஷனம் செய்ய வேண்டும்.
   
10. பிறர் தரித்த வஸ்த்ரம்(துணி), பாதரக்ஷை, மாலை, தீர்த்த பாத்ரம், ஆஸனம், படுக்கை முதலியவைகளை உபயோகிக்கலாகாது. அவை பாபத்துடன் நோயும் உண்டு பண்ணும்.