கருணைமிகு காமேசி ! நாகா

ஸத்ஸங்கம் :: உறுப்பினர் படைப்புகள் :: கவிதைகள்

Page 1 of 1

கருணைமிகு காமேசி ! நாகா

Post by arutsakthi Tue Oct 15, 2013 11:19 am

கருணைமிகு காமேசி !

பொறுமையில் பூமியாம் பக்தியில் பெரியவளாம் எக்கணமும் இறைமறவாதாள்
வறுமையில் வாழ்ந்தும் திருமிகுந்து திடமனம் கொண்டிலங்கி தரணியிலே
உரிமையாய் உன்னுள்ளம் உயர்த்தி வாழென்றே உபதேசம் செய்தே
விரிசடையோன் உரைக்கும் வேதநெறி மறவா துயர்ந்தாள் என்தாய்

பாரிதிலே பாய்ந்தோடி பாபச்சுமை போக்கடிக்கும் பெரிய குணத்தினிலும்
தேரிதிலே தானமர்ந்து பகையழிக்கும் பரமனவன் பதத்தில் பக்தியிலும்
நேரிலே நாம்காண நம்மனத்தை மூழ்கடிக்கும் நல்ல நாட்டத்திலும்
கூரிய அறிவுடை காமேசிகருத்தும் யமுனையும் ஒன்றென்றே ஓது

அன்பு மனத்துடன் சமைத்த உணவை பரிமாறும் பாங்கினிலும்
வம்பு மனத்தினை விதமுடனே வேதப்பொருள் காட்டி திருப்புவதும்
அம்பாக மனத்தினிலே ஆழ்கருத்தை அறிவிக்கும் அறிய குணத்தினிலும்
தெம்பு மிகவுடைய தாயவளும் தரணிபுகழ் காளமேகமும் நேர்

அன்புக்கு இணையாரும் கிடையாதாம் அறிவுமிக இருந்தும் அடக்கத்தாள்
வம்புக்குப் போகாமல் விதவிதமாய் வேதநெறி விரும்பி நடப்பவளாம்
தும்பைப்பூ போல்மனத்தாள் தினம் நன்னீராடி நல்லடியை தொழுபவளாம்
நம்பிக்கை வைத்தால் நடக்குமென நன்மதி தந்தாளைப் பணி

(அறுசீர் கழிநெடிலடி ஆசிரிய விருத்தம்)

arutsakthi: Founder; Posts : 238
Join date : 26/07/2013
Age : 86
Location : Newdelhi