மாற்றம் செய்வோம் ! ஏற்றம் பெறுவோம் !

தற்போதுள்ள சூழ்நிலைகளில் இந்தியாவை மேலும் முன்னேற்றுவது மக்களாகிய நமது கைகளில்தான் உள்ளது. இளைஞர்கள் மட்டுமின்றி அனைத்து மக்களும் ஒரு வேள்வியாக நினைத்து புதிய இந்தியாவை உருவாக்க பல்வேறு கருத்துக்களை வைத்திருப்பீர்கள். நான் பிரதமரானால், முதலமைச்சர் ஆனால் என்று பள்ளிகளில் கட்டுரைப் போட்டிகளும் நடந்து வருகிறது அல்லவா ? அதனால் உங்களின் இந்தியாவை புதியதாக வடிவமைக்க உங்களின் யோசனைகள், கருத்துக்கள், மாற்றங்கள் இவற்றை இந்த களத்தில் பதிய உங்களை வரவேற்கிறது.

மாற்றம் செய்வோம் ! ஏற்றம் பெறுவோம் !

உங்கள் சகோதரன் நாகசுந்தரம், புதுடில்லி.

முதல் பதிவாக !

பாரத நாடு பழம் பெரு நாடு நீரதன் புதல்வர் இன்நினைவகற்றாதீர் என்பர் புலவர். பல்வேறு சிற்றரசர்கள் கூறு போட்டு ஆண்டபோதுதான் ஆங்கிலேய ஆதிக்கத்தில் நாம் நமது நாட்டின் சுதந்திரத்தை பிரித்தாளும் சூழ்ச்சியால் இழந்தோம். அதே போல் பல்வேறு கொள்கைலாலும் கட்சிகளாலும் மாநிலம் மாநிலமாய் பிரிந்து விடுவோமோ என்று பயம் ஒருபக்கம் இருந்தாலும் வேற்றுமையில் ஒற்றுமை என்ற தனித்தன்மையினால் நாம் அனைவரும் ஒரே நாட்டின் மக்கள்தான் என்ற நிலை தொடர்ந்து வரும் என்ற நம்பிக்கை உள்ளது. இந்த தீர்மானமான நம்பிக்கையின் விளைவாக நாளைய பாரதம் ஒளிமயமாக திகழவேண்டும், நம்மைப்போல நமது சந்ததிகளும் நலம் பெற வாழவேண்டும் என்ற நோக்கத்தில் என் மனதில் தோன்றிய சில கருத்துக்களை உங்களுடன் பரிமாறிக்கொள்கிறேன். நமது இன்றைய இந்தியா மத்திய மாநில வாரியாக பல்வேறு துறைகளை ஏற்படுத்தி முன்னேறி வருகிறது. இன்றைய இந்தியாவின் முன்னேற்றத்தை கருத்தில் கொண்டு என் சிற்றறிவில் தோன்றிய சில மாற்றங்கள், யோசனைகள், சிந்தனைகள் (அவற்றில் சில ஏற்புடையதாக இல்லாவிட்டாலும்) இவற்றை உங்கள் முன் வைக்கிறேன். வாழ்க இந்தியா ! வெல்க மானுடம் ! துறை வாரியாக நம்மால் ஏற்படுத்தப்படக் கூடிய மாற்றங்கள், முன்னேற்றங்கள், சிந்தனைகள், யோசனைகள் இவற்றைப் பார்ப்போம்.

1. நதிகள் ஒருங்கிணைப்பு பற்றியது. நமது நாட்டின் முன்னிற்கும் மிகப்பெரிய சவால். இது சாதாரண முயற்சி அல்ல. இந்த நதிகள் ஒருங்கிணைப்பைப் பற்றிய முதல்கட்ட முயற்சியே மிகப்பெரிய முன்னேற்றமாகும். இன்றைய உலகு விஞ்ஞான உலகு. சந்திரனுக்கு சந்திராயன் திட்டம் தொடங்கி செவ்வாய் கிரகத்திற்கு மனிதன் வசிக்க முடியுமா என்ற ஆராய்ச்சி வரையில் நமது விஞ்ஞானம் மிகப்பெரிய வளர்ச்சி அடைந்திருக்கிறது. அதே போல் துணை நதிகள் ஒருங்கிணைப்பிற்கு விஞ்ஞானத்தை துணை கொண்டால் நமது நாட்டில் மிகப்பெரிய மாற்றத்தை கொண்டு வரலாம். எப்படிச் செய்வது ? எங்கே தொடங்குவது ? என்ற கேள்விகளுக்கான பதில்களை ஆராய வேண்டும். நிதி ஆதாரம் ஒரு பெரிய வினாவாக இந்த ஒருங்கிணைப்பில் உள்ளது. விஞ்ஞானத்துறை, வேளாண் துறை, நிதித்துறை, பொதுத்துறை, இராணுவத்தின் துறைகளின் உதவி இவ்வாறு பல்வேறு துறைகளின் கூட்டாக ஒரு துறையை ஏற்படுத்தி அதற்கென நிதி ஆதாரங்களை திரட்டலாம். ஒரு மாதிரிக்காக நிதி உதவி பெறும் சாத்தியக் கூறுகளை இங்கே குறிப்பிட்டுள்ளேன். இது ஒரு மாதிரிதான். இதனை அறிஞர்கள் அலசி ஆராய்ந்து வகைப்படுத்தலாம். அ.மத்திய அரசு நிதி உதவி (பிரதமரின் நிவாரண நிதி உட்பட). ஆ.அந்தந்த மாநில அரசுகள் தங்கள் பகுதியில் உள்ள நதி அளவைப்பொருத்து நிதி பங்களிப்பு. இ. அந்ததந்த மாநிலத்தில் உள்ள அதிகமான நிதி நிலைமை உடைய தனியார் கம்பெனிகள் பகுதி நிதி அளிப்பு, (நதிகளை இணைக்கும் உரிமை பெற்ற கம்பெனி விதிவிலக்கு அளிக்கலாம்). ஈ.நதிக்கரையில் உள்ள ஆலைகளிலிருந்து வசூலிக்கலாம். உ. கிரிக்கெட் முதலிய விளையாட்டு மற்றும் சினிமா கலை நிகழ்ச்சிகள் மூலம். ஊ. பொதுமக்களிடம் வசூல் 2%. எ.ஊடகங்களின் விளம்பர வருவாயிலிருந்து ஒரு பகுதி.

2. இரயில் போக்குவரத்து பற்றியது. ஆங்கிலேயர் ஆட்சி காலத்தில் நமது நாட்டில் ஏற்படுத்தப்பட்ட இந்த போக்குவரத்து இன்று மிகவும் முன்னேற்றம் கண்டுள்ளது. பல்வேறு புதிய புதிய பாதைகளும் இரயில்களும் ஒவ்வொரு இரயில்வே பட்ஜெட்டிலும் தொடங்கப்பட்டு வருகிறது. இணைய தளத்தின் மூலம் டிக்கெட் எடுப்பது போன்ற பல முன்னேற்றங்கள் கண்டுள்ளது. இதில் இன்னும் புதிய மாற்றங்களும் யோசனைகளும் தோன்றியதை கீழே காணலாம். 1. மெட்ரோ இரயிலில் இடம்பெற்றுள்ள சில முன்னேற்றங்களை இந்திய இரயில்வேயிலும் அமுல் படுத்தலாம். நீண்ட தூர இரயில்களில் அடுத்து வரும் இரயில் நிலையத்தை டிஜிடல முறையில் அறிவிக்கலாம். இது புதியதாக பயணிக்கும் மக்களுக்கு உதவும். 2. இரயில் மூலம் பல மூத்த குடிமக்கள் மற்றும் உடல் நிலை முடியாதவர்கள் பயணிக்கிறார்கள். இரயில் நிலையங்களில் விமான நிலையங்களில் உள்ளது போல் லக்கேஜ் நகர்த்தும் வண்டிகளை அறிமுகப்படுத்தலாம். 3. நெரிசல் மிகுந்த பெரிய ரயில் நிலையங்களில் ஒரு ப்ளாட்பார்மிலிருந்த இன்னொன்றுக்கு செல்வது (லக்கேஜ்களுடன்) மிகவும் கடினமாக உள்ளது. அந்த குறிப்பிட்ட இரயில் நிலையங்களில் எஸ்கலேட்டர்களை நிறுவலாம். 4. சென்னை, மும்பை, கொல்கத்தா, டில்லி மற்றும் முக்கிய நகரங்களிலிருந்து 500 கி.மீ. அதிகம் செல்லும் இரயில்கள் புறப்படுவதற்கென தனி இரயில் நிலையங்களை நவீன முறையில் நிறுவினால் கோடை காலம் முதலிய நேரங்களில் நெரிசலையும் பயணிகளுக்கு ஏற்படும் பல்வித சிரமங்களையும் தவிர்க்கலாம். 5. இரயில் போக்குவரத்து ஆங்கிலேயர் காலத்தில் முதல் வகுப்பு, இரண்டாம் வகுப்பு, ஏஸி என பிரிக்கபட்டு நமது மக்களை ஏழை பணக்காரர் என்று பிரித்தது. அதே நிலைமை இன்றும் தொடர்கிறது. அந்த நிலையை மாற்றி ECONOMY/BUSINESS என இரண்டாக மட்டும் பிரித்தால் மக்களிடம் பிரிவினை அகன்று இரயில்வே துறை புதிய இந்தியாவை நோக்கிப் பயணிக்கும். 6. சீனாவைப் போன்று புல்லட் இரயில்களுக்கான அடித்தளம் அமைக்க வேண்டும். 7. ஒவ்வொரு நீண்ட தூர இரயிலிலும் customer care அறை ஒன்று அமைக்கலாம். 8. இரயிலில் தரப்படும் உணவின் தரத்தை உயர்த்த வேண்டும். இருக்கையிலிருந்தே Pantry க்கு, customer care க்கு தொடர்பு கொள்ளும் வகையில் இண்டர்காம் வசதியை உண்டாக்கலாம். 9. இரயிலில் தரப்படும் டீ, காப்பி போன்றவற்றுக்கு இரண்டு பெட்டிகளுக்கு ஒன்று என்ற வகையில் தானியங்கி இயந்திரங்களை வைக்கலாம். 10. பெரிய இரயில் நிலையங்களிலிருந்து பயணிகள் வீட்டிற்கு செல்ல தனி மினி பஸ்களை (லக்கேஜ்களை வைக்க ஏற்றவாறு) ஏற்பாடு செய்யலாம். இந்த பஸ்களுக்கான டிக்கட்டை இரயில் நிலையத்திலேயே பெற்றுக்கொள்ளுமாறு செய்யலாம். செய்தால் பொதுப்பயணிகளின் கூட்டத்தை தவிர்க்கலாம். 11. இரயிலில் கழிப்பறைகள் நவீனப்படுத்தப்பட்டு அதன் தூய்மைக்கான விழிப்புணர்வை பயணிகளிடம் ஏற்படுத்தவேண்டும். 12. இரயில்கள் தாமதமானால் அதன் விவரம் SMS மூலம் அறிவிக்கப்பட வேண்டும். 13. LTC மூலம் இரயில்வே துறைக்கு வருமானம் வருகிறது. ஆனால் அதிக பட்சமாக அரசு ஊழியர்கள் பயணிப்பதில்லை. இதற்கு மாறாக அதனால் CGHS, Group Insurance போல அரசு ஊழியர்கள் மாத சம்பளத்திலிருந்து சந்தா முறை ஏற்படுத்தி அந்த தொகை இரயில்வே துறைக்கு செலுத்தும்படி செய்து அதன் மூலம் அவர்களுக்கு இலவச பயண சீட்டு (pass) வழங்கலாம். 14. Confirm ஆகாத Waiting List பயணிகளுக்கு அடுத்து வரும் அல்லது அடுத்த நாளில் ஒரு அதிகப்படியான பெட்டி ஏற்படுத்தி உதவலாம். 15. இப்போது tatkal முறை அமலில் உள்ளது. ,இதனை விரிவுபடுத்தி அவசர சிகிச்சைக்காக வேறு ஊருக்கு செல்பவர்களுக்கு சான்றிதழ் அடிப்படையில் சீட்டு வழங்கலாம்.

நண்பர்களே தொடருங்கள்.